i5whjMhSovovi

கலகலப்பு 2 பட அறிவிப்பை வெளியிட்ட குஷ்புவிடம் ஓவியா ஆர்மிக்காரர்கள் ஒரேயொரு கேள்வியை கேட்டு வருகிறார்கள்.

சுந்தர் சி. இயக்கத்தில் விமல், அஞ்சலி, சிவா, ஓவியா நடித்த படம் கலகலப்பு. தற்போது அந்த படத்தின் இரண்டாம் பாகத்தை எடுக்கிறார்கள். கலகலப்பு 2 படம் குறித்து நடிகை குஷ்பு ட்விட்டரில் அதிகாரப்பூர்வமாக அறிவிப்பு வெளியிட்டுள்ளார்.

அந்த அறிவிப்பை பார்த்த ஓவியா ஆர்மிக்காரர்கள் அதிர்ச்சி அடைந்தனர்.

சுந்தர். சியின் கலகலப்பு படத்தின் இரண்டாம் பாகத்தின் படப்பிடிப்பு அக்டோபர் மாதம் துவங்கும், அதில் ஜீவா, கேத்ரீன் தெரசா, ஜெய், நிக்கி கல்ராணி நடிக்கிறார்கள் என்பதை அதிகாரப்பூர்வமாக அறிவிக்கிறேன் என்று குஷ்பு ட்வீட்டியுள்ளார்.

கலகலப்பு 2 படத்தில் ஓவியா இல்லை என்பதை அறிந்த அவரது ரசிகர்கள் மிகுந்த ஏமாற்றம் அடைந்துள்ளனர். குஷ்புவின் ட்வீட்டை பார்த்த ஒருவர் ஓவியா எங்கேங்க? என்று கேட்டுள்ளார்.

அப்ப எங்க தலைவி ஓவியா எங்க மேடம் #OviyaArmy என்று ஓவியா ஆர்மிக்காரர் குஷ்புவிடம் ட்விட்டர் மூலம் கேட்டுள்ளார்.

Comments

comments