NTlrg_20170723133114570655

மக்கள் திலகம் எம்.ஜி.ஆர், பானுமதி நடித்த அலிபாபாவும் 40 திருடர்களும் படம் 1956ம் ஆண்டு வெளிவந்தது. மார்டன் தியேட்டர்ஸ் சார்பில் டி.ஆர்.சுந்தரம் தயாரித்து இயக்கினார். ஆனால் அதற்கு முன்பே அதாவது 1941ம் ஆண்டே இதே கதை இதே தலைப்பில் தயாரானது பலருக்கு தெரியாது. இதில் என்.எஸ்.கிருஷ்ணன் அலிபாபாவாக நடித்தார். அவருக்கு ஜோடியாக டி.ஏ.மதுரம் நடித்தார். இவர்களுடன் எம்.ஆர்.சுவாமிநாதன், எஸ்.வி.சகஸ்ரநாமம், எம்.பண்டரிபாய், பத்மாவதி ஆகியோர் நடித்தனர். கே.எஸ்.மணி இயக்கினார்.

என்.எஸ்.கிருஷ்ணனின் அலிபாவாவும் 40 திருடர்களும் கருப்பு, வெள்ளையில் தயாரானது. எம்.ஜி.ஆரின் அலிபாபாவும் 40 திருடர்களும் கேவா கலரில் தயாரானது. எம்.ஜி.ஆர் ஆக்ஷன் ஹீரோவாக நடித்தார். என்.எஸ்.கிருஷ்ணன் காமெடி ஹீரோவாக நடித்தார். என்.எஸ்.கிருஷ்ணன் படம் குறைந்த பட்ஜெட்டில் ஒரே செட்டில் படமானது. எம்.ஜி.ஆர் படம் பிரம்மாண்ட செட்டுகள் போடப்பட்டு பெரிய பட்ஜெட்டில் தயாரானது. இரண்டுமே வெற்றிப் படங்கள் என்பது குறிப்பிடத்தக்கது.

Comments

comments