sathis_julie_7717m1
உலக நாயகன் கமல்ஹாசன் தனியார் தொலைக்காட்சி ஒன்றில் நடத்தி வரும் பிக்பாஸ் நிகழ்ச்சியை பலர் கழுவிகழுவி ஊற்றினாலும் இன்றைய தமிழகத்தின் ஹாட் டாக் அந்த நிகழ்ச்சிதான். இந்த நிகழ்ச்சியின் புரமோ வீடியோ அனைவரையும் முழு நிகழ்ச்சியையும் பார்க்க வைத்து விடுகிறது.
இந்த நிலையில் ஜல்லிக்கட்டு போராளியான ஜூலியை நேற்று தலைவி காயத்ரியும், நடிகை ஆர்த்தியும் டார்ச்சர் செய்து அழ வைத்துவிட்டனர். ஜூலியை வெறுப்பேற்றும் வகையில் இருவரும் மாறி மாறி கேள்வி கேட்டதால் கதறி அழுத ஜூலி ஒரு கட்டத்தில் பிக்பாஸ் நிகழ்ச்சியில் இருந்து வெளியே செல்ல முடிவெடுத்தார்
நடிகை ஓவியா, நடிகர் கணேஷ் வெங்கட்ராமன் மற்றும் சக்தி வாசு ஆகியோர் ஜூலிக்கு ஆறுதல் கூறியதால் அவர் சமாதானமானார். ஒரு பிரச்சனை வந்தால் அதை தீர்க்க வேண்டிய தலைவியே பிரச்சனை உண்டாக்குவது பெரும் சர்ச்சையை ஏற்படுத்தியுள்ளது.
இந்த நிலையில் காயத்ரி மற்றும் ஆர்த்தியின் டார்ச்சரே ஜூலியை இந்த நிகழ்ச்சியின் வெற்றியாளராக மாற்றிவிடும் என்று பிரபல காமெடி நடிகர் சதீஷ் தனது சமூக வலைத்தளத்தில் பதிவு செய்துள்ளார். இதற்கு கமெண்ட் பதிவு செய்த பலர், ஜூலி ஓவர் ஆக்டிங் செய்வது உண்மைதான் என்றாலும் காயத்ரி, ஆர்த்தியின் டார்ச்சர் முகம் சுளிக்க வைப்பதாக கூறியுள்ளனர்.

Comments

comments