NTLRG_20170614101347846570

மூத்த மற்றும் கைவிடப்பட்ட நடிகர், நடிகைகளுக்காக முதியோர் இல்லம் கட்ட இருக்கிறது நடிகர் சங்கம். தென்னிந்திய நடிகர் சங்கம் புதிய கட்டடம் கட்டும் பணியில் தீவிரமாக ஈடுபட்டுள்ளது. இந்த நிலையில் நகருக்கு வெளியே அமைதியான சூழ்நிலையில் முதியோர் இல்லம் கட்டும் பணி ஒன்றையும் துவக்கி உள்ளது.

பழம்பெரும் நடிகர்கள் பலர் தற்போது வறுமையில் வாடிக் கொண்டிருக்கிறார்கள். மகன், மகள்களால் கைவிடப்பட்டிருக்கிறார்கள். சமீபத்தில்கூட வடபழனி கோவிலில் பிச்சை எடுத்துக் கொண்டிருந்த துணை நடிகை ஒருவரை கண்டுபிடித்தனர். இப்படி பலர் அநாதைகளாகி உள்ளனர். அவர்கள் தங்கள் இறுதிக் காலத்தை மகிழ்ச்சியுடன் கழிக்கும் வகையில் முதியோர் இல்லம் ஒன்றை கட்ட முடிவு செய்துள்ளனர்.

இதற்காக கைவிடப்பட்ட மூத்த நடிகர், நடிகைகளை கணக்கெடுக்கும் பணி தொடங்கி உள்ளது. முதியோர் இல்லம் கட்ட நடிகை லலிதாகுமாரி புறநகரில் இருக்கும் தனக்கு சொந்தமான இடம் ஒன்றை தருவதற்கு ஒப்புக் கொண்டிருப்பதாக கூறப்படுகிறது. இதுதவிர இன்னும் சில நடிகர்கள் கட்டடம் கட்டி தருவதாகவும் கூறியிருக்கிறார்கள். சுமார் 3 கோடி ரூபாய் செலவில் இந்த முதியோர் இல்லத்தை கட்ட நடிகர் சங்கம் திட்டமிட்டிருப்பதாக கூறப்படுகிறது.

 

Comments

comments