1_3172003a

பல புதிய படங்கள் வெளிவருவதால் பாகுபலி 2 படத்தின் வசூல் மெல்ல மெல்ல தனது முடிவை நெருங்கி வருகிறது.

பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவாகியுள்ள படம் – ‘பாகுபலி தி கன்க்ளூஷன்’ (பாகுபலி 2). ஏப்ரல் 28 அன்று வெளியான பாகுபலி 2, இந்தியாவில் மட்டும் 9,000 திரையரங்குகளில் வெளியானது. இதுவரை ரூ. 1500 கோடிக்கும் அதிகமாக வசூல் செய்துள்ளது. இந்தியாவில் ஹிந்தி பாகுபலி 2 படம் ரூ. 500 கோடி வசூலித்து சாதனை படைத்துள்ளது. இதற்கு முன்பு எந்தவொரு ஹிந்திப் படமும் இந்தியாவில் ரூ. 400 கோடி கூட வசூலித்தது கிடையாது. இந்நிலையில் ஹிந்தி பாகுபலி 2-வின் வசூல் ரூ. 500 கோடியைத் தாண்டி மகத்தான சாதனை புரிந்துள்ளது.

இந்நிலையில் இந்தியாவில் பாகுபலி 2 ஹிந்தி படத்தின் வசூல் கடந்த ஒரு வாரத்தில் பாதியாகக் குறைந்துள்ளது. புதிய படங்களின் வரவாலும் பள்ளிகள் திறந்துவிட்டதாலும் பாகுபலி 2 படம் மெல்ல மெல்ல திரையரங்கிலிருந்து வெளியேறும் காலத்தை நெருங்கி வருகிறது.

சினிமா விமரிசகர் தாரன் ஆதர்ஷ், பாகுபலி 2 படத்தின் வசூல் நிலவரங்களை வெளியிட்டுள்ளார்.

பாகுபலி 2 (ஹிந்தி) கடந்த ஒருவார வசூல்

வெள்ளி: 72 லட்சம்
சனி: ரூ. 1.03 கோடி
ஞாயிறு: ரூ. 1.35 கோடி
திங்கள்: ரூ. 66 லட்சம்
செவ்வாய்: ரூ. 60 லட்சம்
புதன்: ரூ. 54 லட்சம்
வியாழன்: ரூ. 45 லட்சம்

பாகுபலி 2 (ஹிந்தி) வசூல்

முதல் வாரம்: ரூ. 247 கோடி
2-ம் வாரம்: ரூ. 143.25 கோடி
3-ம் வாரம்: ரூ. 69.75 கோடி
4-ம் வாரம்: ரூ. 29.40 கோடி
5-ம் வாரம்: ரூ. 11.78 கோடி
6-ம் வாரம்: ரூ. 5.35 கோடி

மொத்த வசூல்: ரூ. 506.53 கோடி

பாகுபலி 2 (ஹிந்தி) இந்தியாவில் நிகழ்த்திய சாதனைகள்

ரூ. 100 கோடி: 3-வது நாள்
ரூ. 200 கோடி: 6-வது நாள்
ரூ. 300 கோடி: 10-வது நாள்
ரூ. 400 கோடி: 15-வது நாள்
ரூ. 450 கோடி: 20-வது நாள்
ரூ. 475 கோடி: 24-வது நாள்
ரூ. 500 கோடி: 34-வது நாள்

பாலிவுட்டில் சாதனை நிகழ்த்திய படங்கள்

முதல் ரூ. 100 கோடி படம்: கஜினி (2008)
ரூ. 200 கோடி: 3 இடியட்ஸ் (2009)
ரூ. 300 கோடி: பிகே (2014)
ரூ. 400 கோடி: பாகுபலி 2 (ஹிந்தி)
ரூ. 500 கோடி: பாகுபலி 2 (ஹிந்தி)

Comments

comments