00-feature-60

அஜீத்திடமிருந்து நடிகர் சங்கத்திற்கோ, அல்லது நடிகர் சங்கத்திடமிருந்து அஜீத்திற்கோ எவ்வித செய்தி போக்குவரத்தும் இல்லாமலிருந்தது. அந்த நிலைமை இப்போதும் தொடர்கிறதா என்றால், “இல்லை” என்று காதை கடிக்கிறது கோடம்பாக்கம். இன்னும் சில தினங்களில் சென்னையில் நடைபெறவிருக்கும் நட்சத்திர கிரிக்கெட் போட்டியில் கலந்து கொள்ள அஜீத் வர மாட்டார் என்பது கிட்டதட்ட முடிவாகிவிட்டது. இந்த நிலையில் சமூக வலைதளங்களில் அஜீத்திற்கு ஆதரவாக செயல்படும் அவரது ரசிகர்கள், “யாரும் இந்த கிரிக்கெட் போட்டிக்கு போகாதீங்க. ஸ்டார் கிரிக்கெட் போட்டியை புறக்கணியுங்கள்” என்று தகவல் பரப்பி வருகிறார்கள்.

இன்னும் ஒரு படி ஜாஸ்தி கோபத்துடன் விஷாலை கடுமையான வார்த்தைகளால் நேரடியாக தாக்கியும் வருகிறார்கள். ஏதோ ரசிகர்கள் தங்கள் தலைவர் மீதிருக்கிற அபிமானத்தினால் இப்படி செய்வதாக முதலில் கண்டு கொள்ளாமலிருந்த நடிகர் சங்கம், நட்சத்திர கிரிக்கெட்டை புறக்கணியுங்கள் என்று ஆணித்தரமாக பிரச்சாரம் செய்ய ஆரம்பித்ததும் உஷாராகியிருக்கிறதாம். அஜீத்தே தன் ரசிகர்களை உசுப்பிவிட்டு இப்படி பேச வைப்பதாகவும் ஒருபக்கம் செய்திகள் வருவதால், இந்த பிரச்சாரத்தை இன்னும் ஆணித்தரமாக பரப்பி வருகிறார்கள் அவரது ரசிகர்கள்.

இதை தவிர்க்க வேண்டும் என்று நினைத்த நடிகர் சங்கம் அஜீத்தை தொடர்பு கொண்டு, “இப்படி பரப்பப்படுகிற தகவலுக்கும் தனக்கும் எவ்வித சம்பந்தமும் இல்லை” என்றும், “அப்படியொரு தவறான பிரச்சாரத்தில் ஈடுபட்டு வருகிறவர்கள் தன்னுடைய ரசிகர்களே அல்ல” என்றும் ஒரு அறிக்கை வெளியிட கேட்டு வருகிறார்களாம்.

“இப்படி அவரை கட்டாயப்படுத்துவது சரியல்ல” என்று அஜீத்திற்கு ஆதரவாக சில சினிமா பிரமுகர்கள் பேச ஆரம்பித்திருக்கிறார்கள்.

ஆனால் எதற்கும் அசைந்து கொடுப்பதில்லை என்ற முடிவில் மட்டும் உறுதியாகவே இருக்கிறாராம் அஜீத்.

Comments

comments