Pasanga21

சூர்யாவின் 2டி நிறுவனத்தின் தயாரிப்பில் பாண்டிராஜ் இயக்கத்தில் உருவான பசங்க2 இன்று வெளியாகியிருக்கிறது. இந்தப்படத்தைத் தமிழில் வெளியிடும்போதே தெலுங்கிலும் வெளியிடத் திட்டமிட்டிருந்தார்களாம்.

படத்தின் கருத்து எல்லா மொழிகளுக்கும் பொருந்தும் என்பது மட்டுமின்றி தெலுங்குரசிகர்களுக்கும் பிடித்த சூர்யா மட்டுமின்றி அவர்களுக்குப் பரிச்சயமான அமலாபால், பிந்துமாதவி ஆகியோரும் நடித்திருப்பதால் படத்தைத் தெலுங்கில் வெளியிட முடிவுசெய்தனர். தெலுங்கில் மேமு என்று பெயரிட்டிருந்தனர். தெலுங்கில் சூர்யாவின் படங்களுக்கு பெரியஅளவில் வியாபாரம் இருக்கிறது.
இந்தப்படத்தில் அவர் சிறப்புத்தோற்றத்தில் நடித்திருப்பதால் அதற்கேற்ப வியாபாரம் செய்து படத்தை வெளியிடத்திட்டமிட்டிருந்தனர். ஆனால் திட்டமிட்டபடி தெலுங்குப்பட வேலைகள் முடிவடையாததால் படத்தை வெளியிட முடியவில்லையாம். இதனால் ஓரிருவாரங்களுக்குப் பிறகு அங்கு படத்தை வெளியிட முடிவுசெய்திருக்கிறார்களாம்.

பசங்க 2 தள்ளிவைத்ததால் நன்மை விளைந்திருப்பதாகச் சொல்கிறார்கள். படத்துக்குத் தமிழில் நல்ல வரவேற்பு கிடைத்திருப்பதால் அங்கு இன்னும் கொஞ்சம் விலையை உயர்த்திவிடலாம் என்றும் சொல்கிறார்கள். \

Comments

comments