Rajni-Murugan

பொன்ராம் இயக்கத்தில் சிவகார்த்திகேயன், கீர்த்திசுரேஷ் உட்பட பலர் நடித்திருக்கும் ரஜினிமுருகன் தயாராகிப் பல மாதங்கள் ஆகின்றன. அந்தப்படத்தைத் தயாரித்திருக்கும் திருப்பதிபிரதர்ஸ் நிறுவனத்தின் பொருளதாரச் சிக்கல் காரணமாக அந்தப்படம் வெளியாவது தள்ளிப்போய்க்கொண்டிருந்தது.

கடைசியாக டிசம்பர் மாதத்தில் அப்படம் கண்டிப்பாக வெளியாகிவிடும் என்று சொன்னார்கள். டிசம்பர் 11 அல்லது 18 ஆம் தேதி படம் வெளியாகலாம் என்று சொல்லிக்கொண்டிருந்தார்கள். ஆனால் அதிரடியாக அந்தப்படம் டிசம்பர் நான்காம்தேதியே வெளியாகவிருக்கிறது என்று சொல்கிறார்கள். இந்தப்படம் சம்பந்தப்பட்ட சிக்கல்கள் தொடர்பாகக் கடந்த பல நாட்களாகப் பேச்சுவார்த்தைகள் நடந்துகொண்டிருந்தனவாம்.

நேற்றுஇரவு தொடங்கி விடியவிடிய நடந்த பேச்சுவார்த்தைகளில் எல்லாப் பிரச்னைகளுக்கும் முடிவு ஏற்பட்டுவிட்டதென்று சொல்லப்படுகிறது. இதனால் டிசம்பர் நான்காம்தேதியே படம் வெளியாகிவிடும் என்று சொல்கிறார்கள்.

Comments

comments