asஏ.ஆர்.முருகதாஸ் இயக்கத்தில் விஜய், சமந்தா நடித்த கத்தி திரைப்படம் தயாரிப்பில் இருந்தபோது ஏராளமான பிரச்சனைகளை சந்தித்தது.

அதன் காரணமாக கத்தி படம் தீபாவளிக்கு வெளியாக முடியாத சூழலும், அப்படத்துக்கு தடை விதிக்கக் கூடிய வாய்ப்பு இருப்பதாக பரவலாக பேசப்பட்ட சூழலும் உருவானநிலையில் திடீர் திருப்பம் ஏற்பட்டது. அதாவது கத்தி படத்துக்கு எவ்வித பிரச்சனையும் ஏற்படாமல் பாதுகாப்பு வளையம் ஏற்படுத்தப்பட்டது.

எதிர்ப்பு தெரிவித்தவர்கள் திடீரென அமைதியானார்கள். கத்தி படத்தின் சாட்டிலைட் ஒளிபரப்பு உரிமையை ஆளும்கட்சி சேனல் வாங்கிவிட்டது. அதனால்தான் எதிர்ப்புக்குரல்கள் அடங்கிப்போனது என்று அப்போது சொல்லப்பட்டது. இன்னொரு தரப்போ, கத்தி படத்தை சன் டிவிதான் வாங்கி உள்ளது என்று கூறி வந்தது.

தீபாவளிக்கு வெளியான கத்தி படம் தற்போது 75 நாட்களுக்கும் மேல் தொடர்ந்து ஓடிக்கொண்டிருக்கிறது. இந்நிலையில் கத்தி படத்தை எந்த சேனல் வாங்கியது என்ற புதிருக்கான விடை தற்போது தெரிய வந்திருக்கிறது. வருகிற 26-ஆம் தேதி குடியரசு தின விழாவை முன்னிட்டு ஜெயா டி.வி.யில் மாலை 5.30 மணிக்கு கத்தி படம் ஒளிபரப்பாக இருக்கிறது.

Comments

comments